DODAREH MALLEMON

      

    دودَرِه  مالِمون

 

  دودَری  مِن مالِمون  ،   تَش نا  وِه  جونُم

  چه وِه  اِی  دل مو  ایخوا ؟  ، یونِه  نَدونُم

  پَلَلِن   که   بافِه   وو    وَنِه    رِی   مَی نا

  مونِه   عاشق   کُنه   وو   دینِش   کشونُم

  بُرگََلِ     هِلالیشِه       که       ایده      بالا

  چی  اَفتو   مَهنِه   ،   که  یا  مِن  آسِمونُم

  تیَلِش    که   دِر   ایده    بَرُم    مِنهِ   اوج

  مونِه   لیوه   چی    نِسَه   واباش   دَوونُم

  کَدِ   بوریکِش   مونِه    وَنِه     مِنِه   فِرگ

  هَمَش  هی  وِه عشقِ هو  مو  بیت ایخونُم

  مُردُم   بس که   هی  دِی  مَندیرِش  نِشَسُم

  کاش   زیتَر   بیا   کِلُم   ،   ای   مِهرَوونُم

  چَن شَووهِ   سی  دیدَنِش   هیچ  خَو  نَدارُم

  رَنگُم   زرد   اوویده  ، چی   برگِ  خَزونُم

  دودَرهَی   !   زِی بو  بیَو  مِن   دِلِ   داوود

  نَهل  که  درد  و  غم  گِرِه  تیر  و   نشونُم .

 

   تیرماه ۱۳۹۵--- داوود جمشیدیان( سِتین )