U . Z

  یوزپَلَنگِ پارسی

 

یوزهِ  پَلنگِ  پارسیوم  ،  زِه  خاکِ  بختیاری

زیدُم وه در  وِه بیشه وُ  ،  ویدومهِ وا دیاری

تیرِ  کمونِ  آرَشُم  ،  تَشُم وه بَردِ هوشنگ

فرزندِ  کوهِ  زردُم و   ،   هُمسای  آسِماری

راهُم   راهِ  حسینِ  وُ  خطُم  خطِ   خمینی

مُطیعِ  امرِ  رهبرُم  ،  وِه ایلِ  هَفت و چاری

وِلاشُم هَی  گُر  ایزَنه  ،  بِلازه  تَشِ  غیرت

چی آساره که بِرچ زَنه ، وِه مِنِه شَووه تاری

دارُم  نشونِ  افتخار   ،   وِه  لاله های  پَرپَر

که نومِشون  تا وِه  اَوَد  ،  مَندِه وِه یادگاری

تُفَنگ گِرهدوم دَسُمو ، ترسی زِ کس نَدارُم

وا بَنگِ یا علی وَنُم ، هر دِشمَنِن وِه خواری .

 

  نوروز ۱۳۹۵ ---  داوود جمشیدیان ( سِتین )