۷ و ۴
يكشنبه, ۱ فروردين ۱۳۹۵، ۰۴:۵۷ ب.ظ
گُلِ هَفتی یا گُلِ چاری؟
دُنگُلی که مِنِه مال وَیدی دِیاری !
بُردیمِه دُوارتِه باز وِه بیقراری
شَو وُ روز و قیتِنِه وِه مو گِرِهدی
پَه سیچهِ نیای کِلُم دَنگ ایدِراری ؟
تیَلِت کُشتِه مونه سیت کو گِرِهدُم
اَی که نونُم زِه تَشِ هفتیو چاری
بسکه دِی مِن جوشیره مَندیر نِشَسُم
کون کِردُم سی دیدَنِت وَندیم وِه خواری
دِلُم هَی تَش ایزَنه سی دَس وِه لاشِت
سی همونویی که زیرِ مَی نا داری
لَو بِنِه مِنِه لَووام طاقت نَدارُم
پَه سیچه هَر دَم یِه عُرزی ایدِراری ؟
هَر فَی که زیر لَچَک پَلات وَنی دَر
چی تِوِرگ وِه مِنِه جُونُم هَی اِباری
بُرگانه که هی بَری بالا وُ پویین
چی گُلِ سَوز کِردِه ای وِه سَوزِ ماری
دِی بیو زِیتر که مو سیت بیقرارُم
عشقِ هفت و چارِ مو زِه بختیاری .
نوروز ۱۳۹۵ --- سِتین
