توصیفِ موسمِ بهار به گویشِ بختیاری :

به بهانهٔ فرا رسیدنِ نوروز و سال جدید ،

 

تقدیم به تمامیِ هموطنانِ عزیزم :

 

                     دُوارتِه باز بهار اِوَی ،

 

  بهارِ بختیاری

 

خَوَر بَرین وِه مِنهِ مال ،  که موسمِ بهار اِوَی

شقایق  و  باوینه  باز   وِ   کِلِ  لاله زار  اِوَی

سی دلِ بووِه عطرِ  کوه، دِلُم هوایی اوویده

کِلوسِ سوز وِه زیر برف دُوارته باز وِه بار اِوَی

برفا  همه  اَو اوویدِن  وَستِن وِ رَه  وِ مِنِه  گَر

جوش و خروشِ زردِکو وِ دِلِ چَشمه ساراِوَی

وا هَنَفِ بهارِگُل ، وِ لِشکِ حُشکِ مِنِه دشت

گُل و شکوفه های واز وِ کِل و بالِ  خار  اِوَی

وِ بَنگِ تاتِمون نوروز  ، زمین  دُوارتهِ  مار اَوَی

بهارِ   دلنشینِ  گُل  سی  دلِ  بیقرار    اِوَی

همه بیاین تا که  بِریم مِنِه بُهون وِ سَیلِ گُل

چی اَفتویی  وِ پَسِ  اَوُر ، گُلِ مو وا دِیار اِوَی

رِسی بهارِ عاشِقون،چه خُو اِوی وو شاداِوَی

که عشقِ مو آساره باز واکوچِ هَفت وچاراِوَی

داوود بِوال وِ روزگارکه وَی سراغت حالِ خوش

که بختِ تو چی قُرصِ مَه وِ مِنِه شَووهِ تار اِوَی . 

 

 

 

  نوروز ۱۳۹۵ --- داوود جمشیدیان مُتِخَلِص به ِسِتین