٪
پنجشنبه, ۱ مرداد ۱۳۹۴، ۰۹:۲۴ ب.ظ
عشقِ مو : ( آساره )
مِنهِ مال که سیل کُنُم بارون اباره
دُدَری مِن مالمون دل بیقراره
نَم نَم بارون زنه ری پَلِ دُدَر
ری پَلِش که زیر لَچَکِش وا دیاره
خالَکی وهِ سْر نُفتِش چی تَش ایسوسهِ
چی اَساره ای که مِنهِ شَووهِ تارهِ
وا تیاش که هی بره وُ هی ایارهِ
دلُمه چی آرد مِنهِ تاپو درارهِ
دُنگُلِ نُفت قلمی تَش وَند وهِ جونُم
دلِ مو سی دیدِش طاقت نداره
خوام برُم بِوینو مِش ریشِ بِوُسُم
بارون هی تُند تُند زَنهِ وُ بند نیاره
ای خدا تا کی دیه مَندیر بِمُهنُم؟
تا بِوینُم که دیه بارون نیوارهِ
کاشکی دِی وهِ مال گُل بارون نوارهِ
برسوم وهِ آرمونوم ، وا با سِتاره .
مرداد ماه ۱۳۹۴ --- داوود جمشیدیان ( سِتین )
