وه دینِ دودَرِ مال
سه شنبه, ۴ فروردين ۱۳۹۴، ۰۸:۴۹ ق.ظ
دودَری وَس مِن دلُم کسی نَدونهِ
نرخ بوسِ لووَلِش چی زعفرونه
هی گروسه زه بَرُم ای دودَره مال
چی نِسَه مونه وه هر جا ایکشونهِ
هرفَی که چی کموتر شینُم وهِ بامِش
مونه زِ کِلِش هَمَش هی ایپرونه
هردم هی ناز سیم کُنه ای دُنگُل مو
نونین که ناز کِردَنش چندی گرونه!
وقتی که وا با تیاش وم اینیَهره
تیرِ مرزنگ تیاش گِروم نشونه
لُفِشه وه من عمرُم هرگز نَدیدُم
هو قشنگ ترین دودَر مِن دودَرونه
فروردین ماه 1394 --- داوود جمشیدیان ( سِتین )
۹۴/۰۱/۰۴