YALDAYE BAKHTIARI

 شاهکاری دیگر در شعر و ادبیاتِ  زاگرس نشینان :

 

 به بهانهٔ فرا رسیدنِ شبِ یَلدا( طولانی ترین شبِ سال ) ،

 

  یَلدایِ عاشقانهٔ بختیاری

 

  پَه سیچه هَی توهردَم ، هَی سی مو دَنگ دراری؟

  تا  خوام  رِیته  بِووسُم  ، عُرذ و بَهونه یاری

  پَلا بَفتَت  دِراری ،  ایوَنیشون  وِه  رِی  شون

  مونه  وا  با  او  بُرگات   ،  وَنی مِن بیقراری

  هَی ناز  کُنی  سی دلْ مو ،  تِیان  بَری  اِیاری

  چی آساره ایمَهنی  ،   وِه  مِنِه   شَووه  تاری

  تا وِت ایگُم  بیَو  تَیم  ، اَرسات اِیان زِه تِی لَم

  چی اَور بهار ایمَهنی  ،  که هی  نَم نَم اِیواری

  اِسپید و نَرمِه  لاشِت ،  چی  برفْ  دِنا  ایمَهنه

  بینی  رنگین   کمونی   ،  اَی   نوگُلِ   بهاری

  دَسِت بِنِه مِن دَسُم  ،  تا  که  زَنیم زِه مال  در

  بِشینیم  وِه  کِلِ   یَک  ،  وِه  مِنِه  وارگِه پاری

  بِل تا  بیام  بِنُم  لَو  ،   وِه رِی لَو  برگِ بیدِیت

  مِن  دل  دِراز ترین  شَو   ،   یلدایِ بختیاری .

 

              شبِ یلدایِ ۱۳۹۵--- داوودِ جمشیدیان ( سِتین )