شاهکاری دیگر در ادبیاتِ زاگرس نشینان :
مَندیرِ گُل
هَمباز دوُارته ، خَزون اِویده
دِلِ مو تَنگه ، اَرسام دِریدِه
چالَنگ وهَف لَنگ،زِه رَه رسیدِن
پَه سیچه وا کوچ ، گُلُم نَویدِه ؟
چی کوگِ بی لُف ، مو بیقرارُم
آمُختِیوم مو ، وا دِلِ زارُم
وا ایل ایمَهنُم ، جا وارگه پاری
تا سالِ دِیه ، مَندیر بهارُم
مو مَندُمه تَک ، وا غم و دَردُم
هَی رُم مِنِه فِرگ، سی مَینا زَردُم
اَر تَیم نیاره ، فَلَک گُلُمه
دَینُم وَنُم ناش ، وِه آهِ سَردُم
اِی دلِ عاشق ، سیش کوه گِرِدِه
بوگوین بیا تا ، دورِش بِگَردُم .
مهرماه ۱۳۹۵ --- داوود جمشیدیان ( سِتین )
