BALITE LESHKE HOSHK

    شاهکاری دیگر در ادبیاتِ بختیاری :

 

                   بَلیتِ لِشکِ حُشک

 

  بَلیتِ  لِشکِ حُشکِی    ،    وِه   کِلِ   کوِه  زَردُم

  که سُهدُمِ   وُ  بِرِشتُم  ،  چَن   وَقتِه   اَو  نَخَردُم

  وِه ضَربِ تَش و بَرقی ،  گُر گِرِه  لِشک و ریشَم

  چی ماری  هَی  ایسُهرُم  ، وِه دورِه خوم ایگَردُم

  تَی نا  وُ  بی کَسُم   مو    ،     کَدُم   بریده   اُوِی

  وا    بادِ    تُندِ    پوییز    ،    اَنجیده    وُ  لِوَردُم

  زِه بَس که    وِه  غَریوِی  ،   زونی  بَقَل  گِرِهدُم

  ایگوی   تاپویِ   فِرگ   و  غَم   و   دُنیایِ  دَردُم

  هَر  کِی  زِه تَیم  گُدَرده   ،    لاشُم   گِره   نِشونِه

  وِه بختِ بد  مو  هردَم   ،    زیرِ کُچُک   وُ  بَردُم

  پیر   اَوویدُم  وا  ایکِه   وِ   سِن و  سال  جَوونُم

  مو دِی طاقَت نَدارُم  ،  وِه حَرف  و  طعنِه  مَردُم

  زِمِسون  وَی دُوارتِه  ،  وا باد  و  برف و بارون

  ذُغال و  چووه  حُشک  و   هیمهٔ    فَصلِ  سَردُم

  تَش ایوَنِن  وِه لاشُم   ،   اَنگِشت ایبوم   وِه چالِه

  وِه دَردِ  خوم  ایسوسُم   ،  وِ  جُونِ خوم  گُدَردُم .

 

       شاعرِ معاصر :

 

        داوودِ جمشیدیان ، مُتِخَلِص به سِتین

 

                      (  شهریورِ ماه ۱۳۹۵)