شَوگارِ عاشقی
سی دیدنِ تیا گُل ، اَمشو مو خَو ندارُم
نونم گُلُم ایدونه که مو سیش بیقرارُم ؟
پیت ایکُنم چی ماری که تاو خوره وِ دور خوش
دس ایکُنم مِنِه جیو ، عسکشِه ایدرارُم
تَش ایوفته وِه لاشُم ، ارسام اِیان وِ تی لَم
بختِ بَدُم رِی ایبو ، و مِنِه شَووه تارُم
یدَم یوفتُم رِی پَهلی ، یدم ایبوم دل بالا
وِ غیرِ اَرس و آهُم ، کاری دیه ندارُم
اَیر یه دَم وِ تیام چُرتی ایا اِخوسُم
شلکِش ایا وِ ویروم ، غمِ هونِه مو دارُم
نونُم چه وا کُنُم دِی وا عشقِ گُل مو امشو ؟
عشقِش کردُم وِه زنجیر ، اِی گُلِ هفت و چارُم
ای دودُرِ خیالُم زیتر بیو که مُردُم
هرچی غم بی مِن دنیا ، همن کِردی وِه بارُم
تنگ اوویده دلُم سیت ، مو دِی طاقت نَدارُم
یا که بیو سراغُم ، یا که بِکَن مزارُم .
شهریورماه ۱۳۹۵ --- داوودِ جمشیدیان (سِتین )
