BAHIGEH CHARMAHAL

             بَهیگِ چارمَحال

 

  سر حد  و  بومِ  ایران    ،  استانِ  چار  محالِ

  عشقُم   وِه  مِن  دِلِ  هو   ،   دودَرِه   تیهِ  کالِ

  وِه کِلِ لَوواش اِی دودَر  ،  خالِ  قشنگی   داره

  دِلُم   هَمَش   اسیر   و   ،   دیوونهٔ   اِی   خالِ

  لَووا  نازُکِ  گُلُم   ،  ایگوی   چی   بَرگِ   بیده

  بِرچ   ایزَنِه   چی   اَفتَو   ،   بَهیگِ   مِنِه  مالِ

  زِه بَسکه زِه سَرِه شَو ، تا صُحو مَندیرِش مَندُم

  شَوُه  مو  وِه  درازی   ،   ایگوی   یلدایِ  سالِ

  اَیَر   بیا    اِی   دودَر    وِه    مِن   دِلُم   بِمَهنِه

  وا سَر بُرُم  وِه رِی پاش  ،  قُر ناسِ  میشِ کالِ

  مو شیرِ  کوهِ زَردُم  ، زیدُم وِه  دَر  زِه قَد  بَوم

  شیرِ  دامِنِ  خَردُم   ،   وِه   مِن   تِشنیم   حَلالِ

  وِِ  عِشقِت   خَو   نَدارُم  ، تَش ایوَنی  وِه  لاشُم

  سَوارِ   اَسوِه   نیلَم    ،   بِرنَوم   وِه   زیرِ  نالِ

   اَی  گُلِ  هَفت و چارُم  ،  تیات  رَنگین  کَمونِن

   رُخِت  وِه  مِن  دِلِ  مو  ،   گُلِ  شادی   ایکالِ .

 

              مرداد ماه ۱۳۹۵ --- داوودِ جمشیدیان (سِتین )