شاهکاری دیگر در ادبیاتِ زاگرس نشینان :
ایلِ مو
سلام ای ایلِ مو ، ای بختیاری
که تا کِل آسِمون ویدی دیاری
دیارِ لاله های پَر پَری تو
که مَندهِ نومِشون وِه یادگاری
گَپ و هُمدایِ نَسلِ آریایی
هَمو نَسلی که بخت کِرد وا تویاری
شُکوهِت لاله هایِ واژگونهِ
غُرورِت زردکوه وُ آسِماری
همه ایگون زِه رسمِ گوگَری تو
دلاور مردُمی از هفت و چاری
زِ عزم و رَزمت ، دُنیا شوکه اُوِی
تو یاد دادی وِه مردُم سر وِداری
ابالِه رَهوَرِه فرزانه از تو
که هر دَم مردِ جنگی بختیاری .
تیرماه ۱۳۹۵ --- داوود جمشیدیان مُتِخَلِص به سِتین
