ز دَسِه ای زمونه

دِلُم   خینه   زِ   دَسِ  اِی   زمونه

دِلِ   زومبَستهٔ   مو   بی    زَوونه

گروسهِ چی نِسَه  وَنُم وه  دینِس

مونه   هر جا که  ایخوا  ایکِشونه

اَیر  که دُنگ بِدی  وات ساز  نیاره

وه بی رحمی ایگوی چی کافرونه

هر چی  بُنگ ایکُنی  فایده  نداره

زه حال و روزت کس هیچی نَدونه

نه رَه پیش داری و نه ره وَرگشت

زورت  اِیا  که  کس  حرفِت  نخونه

ایر    کٌر  و    دُردَر    کُنِن    مُرافه

همه    حٌکما    وِ  نَعفه   دودَرونه

هو که  پیل  داره وو  پارتی خدایه

هو که هیشکین  نداره  بی امونه

خدایا   مون   بِکُش   اینون  نبینم

که  لاشُم  دِی  مِنِه  دُنیا   نَمونِهِ.

 

اسفندماه ۱۳۹۴ --- سِتین