...

شاهکاری جدید در شعر و ادبیات زاگرس نشینان :

 

              خَو پِلا

 

اَرس  ایریزوم  سی  بختم ، مو  چی اورِ بهاری

ایخوام بوگوم وت ای کوه ، ترسوم طاقت نیاری

مو      عاشقِ      تیایِ      دودره      مالِمونوم

عاشقْ   تیا   یه   دُنگُل    ،    زِ   ایلِ   بختیاری

یو چَن ساله که ای گُل ،تَش وند وِه مِنِه جونوم

مونه   وَنه   هو  هر  دَم  ،  وِه  یادِ  وارگه  پاری

هر شَو  اِیا  وِه ویرُم ، خَو نیبروم سیش ای کوه

وا   کَدِش   که   بُلنده   ،   چی  کوهِ  آسِماری

یادُم    ایا   همو سو   که   سی  دفه ی   آخر

رَه   زِه   تَیمو   وِلوم   کِرد   ،  مونهِ  وا بیقراری

کاشکی   که   وَرگرده   وو   ، بیا  کِلم   دُوارتهِ

بریم   وا یَک   بگردیم   ،  وِه   مِنِه   سوزِماری

پَه    دیه    کَی    اِیاهه   وِه   مِنِه   آسِمونوم؟

که   چی  آساره  درا  ،  وِه  مِنِه  شَووهِ   تاری

ز   بس    که   خَردُم    غمِ   دیریهٔ  ای   دودَره

خَل   اوویده   کَده   مو   ،   چی   ترکهٔ   اناری

خدایا   یا   بُکُش   دِی  مونهِ  که  دِی  نَمَهنوم

یا   که   بِگوش   بیا  تَیم  ،  ای   گُلِ  بختیاری

اَر     آرمونوم     وه    دُنیا    نَوراهوو    بِمیروم

مونو  عِشقوم  ایمَهنیم ، هَمَش  وهِ  یادگاری .

 

                                 دی ماه ۱۳۹۴ --- سِتین