هَمَش مِنهِ خیالُمی

وَسُم وهِ ویرِ عشقِت ، ای نوگُلِ بهارُم

از بس که بیقرارُم ، مو دی طاقت نَدارُم

ایای وهِ مِن خیالُم ، تَش ایوَنی وهِ جونُم

وهِ مِن خیالُم بینُم ، ویلون و بیقرارُم

هی مَندیرِت نشینُم ، هی فِرگ ایا سراغُم

هر شَو وهِ یادِ عشقِت ، آساره ایشُمارُم

ولُم کردی وهِ حال خوم ، مو مَندوم و غمِ دل

هرچی غمِ دنیانه اوردی کردی بارُم

گِلیمهِ بُغض گِرِده ز دیریت هی اینالُم

مو چی اوره بهاری ، هی اَرسِ خین ایبارُم

ای کاش بیای دِیاری ، تا که ریته بِوینُم

آرمونومه ووراری ، ای گُلِ هفت و چارُم

اَر که بیای دووارته وهِ مِن دلُم بشینی

هرچی گُلِ قشنگهِ ایچینُم سیت اِیارُم

 

دی ماه ۱۳۹۴ --- سِتین