چی شَونَمِ بُهاری ( مثل شبنم بهاری )

اِوی وهِ  رَه  رسیده  یِه  گُلِ  هفت و چاری

کاشکی بیا دِیاری   چی  گُل  وهِ مَرغزاری

ای   دُدَره   خیالُم   نَهل   مَندیرت   بِمَهنُم

بیَو  بیوفت  ری  بَلگُم  جُور  شَونَمِ   بُهاری

مو  هی  وِت  اینیَهرُم  تا  که   تونهِ   بِوینُم

زیتر  بیو  وهِ  بالُم ،  پَه سیچه دَنگ دِراری؟

هر فَی یوفتوم وهِ دِینِت زِ  دَسُم ایگُروسی

مونِه   هی   ایکِشونی   تا   مرزِ   بیقراری

دِلُمِ     ایدِراری     چی    آرد  وِ  مِنِه   تاپو

تاووم  ایدی نیای  تَیم  وُ  هی  بَهونهِ یاری

رنگِ تیات ، ایگوی  ، چی قوسِن بعدِ بارون

چی    تیَلِت    ندیدُم   مِن   ایلِ   بختیاری

زِمِسون  رَه   بُهار  وَی  هَنی  مو  بیقراروم

پَه دی کی وا وهِ  تَه دل ، آرمونُمِ  ووراری ؟

 

اردیبهشت ماه 1394 --- داوود جمشیدیان ( سِتین )