عشقِ بی وفای مو

وا  اَمشو چارده  شَووه  که  خَو  ندارُم  ای دُدَر

زِمِسون  ره  وو  هَنی  مو  بی  بَهارُم  ای  دُدَر

دی   بیو   مِنِه  دلُم   که   ای  دلُم  وه  نازُکی

سیت   بَهونه    ایگِره   طاقت   ندارُم   ای دُدَر

توگودی تا جون دارُم زه تَیت نیرُم ای عشق مو

تو   که   از  تی  مو  رَهدی مو بیقرارُم ای  دُدَر

اَر  ایخوای  ترکُم  کنی  مونهِ  بِکُش خینُم  بریز

چی  گُل  پژمرده ای   وه   لاله  زارُم   ای  دُدَر

هردَم هی تاووم ایدی وو تَیم نیواسی چه کُنُم؟

اَر  بری  زه  مِن  دِلُم  چاره  چه  دارُم  ای دُدَر

دونُم     که    اِوَرگَردی   ایای  سُراغُم   اِگِری

مِنِه    مال    مَندیرِتُم   گُل   هَمتبارُم   ای دُدَر

اَر  بِری  زه  مِن   دِلُم  اَمشو   ایمیرُم  وهِ  خدا

روزگارُم   تَهل   ایبو   جون    ایسپارُم   ای دُدَر

پَه   بِیو   زیتر   بِوَر    تاریکینه    وهِ   بختِ   مو

چی  مَهی  وه  دَر  بیو  مِن شَووه تارُم ای دُدَر

 

فروردین ماه 1394 --- داوود جمشیدیان (سِتین )