دنیای بیقرارون

مِن موسِم بهارون

یوریم وِ کوه قارون

قارچ و کلوس بیاریم

مِن دلِ کوهسارون

زمسون رَه بهار وی

موسم لاله زار وی

بوی خوشی ز کوهسار

وِ مِنهِ ای دیار وی

مو بیقرار عِشقُم

ز عشقِ تو برشتُم

نومِت ری دلِ  خوم

وا خین دل نوشتوم

ای دودَرِ خیالوم

زی تربیو وِ بالُم

نَهل مندیرت بِمَهنوم

دونگوله تیه کالُم

می نابنوشِ بُردِن

گل تنوشِ بُردِن

تَش وَس وِلاشوم سُهدوم

گلُ مِنِ حوشِ بُردِن

 

بهمن ماه 1393 – داوود جمشیدیان