وولاتِ عاشِقون

ای دودَره خیالُم تو گُل دودَرونی

تَش ایوَنی وه جونُم وا بُرگَل کمونی

هر دَم ایای وه ویروم ایوفتی مِن خیالُم

هرجا ایخوای وابا خوت مونه هی ایکشونی

تو چی مُشک ایگروسی مو چی گُلو وه دینت

کَدُم بُری ایوفتُم ، وَنیم وه پا وو زونی

پَه سیچه هی دِروم دی نیای وه مِن دلُم دی

مو عاشق تیاتُم ، مَیَر یونهِ نَدونی ؟

هر شَو وه یادت تا صُحو آساره ایشُماروم

جمشون که ایکُنُم مو ،  ایبون چی کهکشونی

دی ناز نکن ای دودَر بیو وه مِن دِلُم دی

ایخوایم بریم وه جایی که جاشه خوت ایدونی

 

فروردین ماه  1394 --- داوود جمشیدیان ( سِتین )