دودَرِه خیالِ مو
چَن شَووِه وِه عشقِ تو ، تِیم خَو نَدارِه
اَوسارِش زِه دَسُم رَه ، وام ساز نِیاره
هَی وِه شوقِ سَیل وِه تو گِرِه بَهونِه
هر دَم هَی سی مو ایگوی دَنگ ایدِرارِه
یه دَم هَی زِی زِی زَنِه ، یِه دَم اِیلرزِه
چی کَوگِ بی لُف ، ایگوی که بیقرارِه
اَوویدَم عاشق ، دلِ مو کوه گِرِهدِه
چی شَوگَرد مِن شَووِه تار سَر ایدِرارِه
دِی بیو دودَر شَرِش وِ سَر مو وَردار
اَر نَیای ، وِه تِیم اِگو که اَرس بِوارِه
مو اِویدُم وا دِلُم تَیت سی همیشه
اَی گُلی که اَصلِ تو وِه ایلِ چاره !
موسَمِ فَصلِ خَزون رَهدِه دووارتِه
دُنگُلُم بیو که عشقِت سیم بهاره!
کاشکی قاصِدی بیا از تَی گُل اَمشو
خَوَرِه ویدَنِشِه سی مو بیاره
بِرِسه وِِ گوشِ مو وا مُژدهٔ هو
داوود هَی ! ، دودَر خیالِت وا دِیارِه.
شهریورماه ۱۳۹۵ --- داوودِ جمشیدیان ( سِتین )
