GOLLY

            سی دلِ گُلی

 

   دلِ  مو   چی   غُرُوِه   فَصلِ  خزونه

   هیشکی زِه حالِ  مونِه عاشق  ندونه

   هَمَش  هَی  تَی  دودَری  زِه  مالِمونه

   که عِشقِش مونِه وِه هر جا  ایکِشونه

   خَشِ   خار   حالُم   بَده  رنگُم  پریده

   نُو نُم  که  چه  وا  کُنُم  وا  با  زَمونه

   وقتِ  کوچِ  وا  که  بار  کُنیم  دُوارتِه

   گِردِه واری   بِکُنیم   حونِه  وِه حونه

   برف   اِوَی  ،  سرماگِرِه مالِ  بوومِه

   نِصفِ   ایل  وِه  گرمِسیر  مَندیرِمونه

   اَرس  اِوَی  مِنِه  تیام ، زونی بُوریمه

   چه کُنُم  که عشقِ  مو ایلاق  ایمونه؟

   عاشقی بد دردیِه  ،  کِردُم  وِه  زنجیر

   وِه   بختِ    بَدُم    دِلُم    گِرِه   بَهونه

   آهِ    سَردُم     بِگِره     پاییزِه    سالِه

   که   غُرُوِش   غَمِ   عشقِ   عاشِقونه

   ای خدا !  کاری بِکُن   ،  گُلی بیا وام

   تا کوچ و  سالی  دِیه  تَی مو  بِمونه.

 

        تیرماه ۱۳۹۵ --- داوود جمشیدیان ( سِتین )