مُنگَشتِ زیبا و با صلابت ، زیبا ترین جِلوه های هُنرِ آفرینش را در ذهنِ هر
بیننده ای تداعی میکند ، و چون نگینی در قلبِ ایذهٔ خوزستان میدرخشد .
یا شاهِ مُنگَشت
کوهِ مُنگَشت
سر اَفراز کوهِ جنگی کوه مُنگَشت
چه سَوزی وُ قشنگی کوه مُنگَشت
نَدونُم زِه چه نوع رَنگین کَمونی
که هر فصلی یه رَنگی کوه مُنگَشت
گَپی ، هر فَی ایوفتی مِن خیالُم
غُرُمنی ، چی پَلَنگی کوه مُنگَشت
زمین هر فَی وِه زیرِ پات ایلرزه
صَوُری ، چی هَوَنگی کوه مُنگَشت
زِمِسونا که بَرف وِه ریت اِبارِه
وِه اِسپیدی ، یرنگی کوهِ مُنگَشت
اَیَر کَس دُنگ بده هَی وات نَسازه
چی تیری وِه تُفَنگی کوهِ مُنگَشت
بهار هَر فَی ایا وا قارچ و ریواس
سی سَوز دادِن زِرَنگی کوهِ مُنگَشت
تو حیفی وا هَمَش سی ما بِمَهنی
کوهِ بی دَنگ و فَنگی کوهِ مُنگَشت
عزیزی وَستی مِن دِلِ بختیاری
سِتینِ دِلِ تَنگی ، کوهِ مُنگَشت .
تیرماه ۱۳۹۵ --- داوود جمشیدیان ( سِتین )
