شیرِ کوهِ زردُم

مو شیرِ کوهِ زردُم زِایلِ بختیاری

چه حال و روزهِ خووِی ! بخت کِردهِ وا مو یاری

فَرقی ندارهِ اصلُم ز تَشِ هفت و چاری

وهِ مِن دلِ بهونا ، اویدُم وا دِیاری

مو شیعهٔ علییوم ، دلدادهٔ حسینوم

سی جنگِ وا دُشمَنون ، کِردُمهِ گِردِواری

راهُم راهِ حسینه ، خطُم خطِ خمینی

سی خین دادن وهِ رهبر مُردُم زهِ بیقراری

شکوهُم لاله واژگون ، غُرورُم زردِ کوهِ

وهِ محکمی چی بَردُم ، جور کوهِ آسِماری

تُفَنگ دارُم مِن دَسُم ، دنیایِ غیرتُم مو

عشقُم تفنگِ برنو ، افتخارُم هَیاری

وِم یاد دادِن بِگِهرُم   دُشمَنِنِ نشونهِ

که سی وطن بِنُم جا ، جنگی وه یادگاری

قوّت بده وهِ لاشُم تا که جنگُم سی دینُم

پَه کی دیهِ خدایا ، آرمونومهِ ووراری ؟

 

دی ماه ۱۳۹۴ --- سِتین