*****

تی عَسَلی

 

گُلِ ماه ،تی عَسَلی، می نانهِ کَندهِ

تُرنَسه وِرد دِیاری ری شونِس وَندهِ

بُرگَلِس هِلالِ مَه چی قَوس رنگی

هر کی نقاشس بیده نونُم چه کَنده

هر فَی که مشکولِنه وَنه وهِ زیر چِل

خنده یاههِ کِرهِ لَوس وُ هی اِخندهِ

هی وَنهِ تَش وهِ دِلُم وقتی نیَهرهِ

چی اَنگِشتهِ سُهری که مِن چالهِ مَندهِ

وقتی که وهِ رَه ایره چی کوگِ مَسته

وا با  او رَه رَهدَنِس دل وِم نَمندهِ

خالَکِس بِرچ ایزَنهِ چی تَش بَرقهِ

نرخِ بوسِ لووَلِس نونُم که چَندهِ

تومونِن که قِر اِده دلُم اِلرزهِ

دلِ عاشقِ مو تی دلِ هو مَنده

آرِمونهِ دیدنُم اووید ای دُدَر

دُدَره خیالُم  از ایل اُسیوَندهِ   .

 

اردیبهشت ماه 1394 --- داوود جمشیدیان ( سِتین )