عشقِ وارگِه پاری

 

 

وَستی مِنِ خیالُم دودَرِ بختیــــــــــــاری

تا کی مندیر بِمَهنُــــــــم بیودی وادیاری

جورِ رنگِ تیــــــــــاتِ نیدُم و مینِ رَنگا

آخـرِ هر چی رنگی ، ای عشقِ بیقراری

دَسِت که نی مِن دَسُم چی شونَمی ایمَهنی

که یوفتی وُ نشینی وِری گُلِ بهـــــــــاری

هر چی گُــــــلِ قشنگِ سی دلِ تو ایچینُم

تا دِلِتِ بدی مو سیم بَهونهِ نَیــــــــــــاری

هرفِی که وِم نیهَــــری بریم وِ اوج و بالا

عشقت مونهِ کشونهِ تا نوکِ آسِمــــاری

یادت همیشه مَهنهِ مِنِ فِرگ و مِن خیــــــالُم

ای عشقِ خــاطرِمو ، ای عشقِ وارگِه پاری

شهریور ماه 1393 – داوود جمشیدیان